Felly - i rai - mae rhywbeth a ddechreuodd yn gamdrin ar adegau yn gallu datblygu'n ddibyniaeth ar gyffuriau. Gall ddigwydd yn gyflym - ymhen wythnosau, neu yn araf - dros nifer o flynyddoedd.

Byddwch yn sylwi bod rhywun sy'n camdrin cyffuriau ar adegau ddim yn bwriadu dibynnu arnyn nhw. Nid proses o ddewis yw hyn. Rywle ym mhersonoliaeth rhywun a'i d/defnydd o gyffur, mae llinell, o'i chroesi, lle bydd wedi mynd yn rhy hwyr. Annhebyg wedyn y gall rhywun leihau na stopio cymryd y cyffur/iau o'i g/wirfodd.

Dy'n ni ddim yn sôn am ddibyniaeth ar heroin yn unig, nac am yr alcoholigion yn eistedd ar sedd yn y parc. Mae amrywiaeth eang o ddibyniaeth ar gyffuriau a gall effeithio ar unrhywun. Gall hyn fod yn:

Rhywun sy angen diod neu gyffur i deimlo'n hyderus wrth gymdeithasu gydag eraill.
Rhywun sy angen cymryd diod neu gyffur bob dydd i osgoi symtomau bod-hebddo/ynt.
Rhywun sy angen defnyddio diod neu gyffuriau er mwyn anghofio problemau personol.
Rhywun sy angen cymryd diod neu gyffur cyn medru ymdopi â stres bywyd bob dydd.

Unrhywun sy'n teimlo'r angen i ddal i gymryd diod neu gyffur er mwyn teimlo'n "well".

Dyw'r orfodaeth i yfed ddim yn wahanol i chwistrelliad heroin. Gall cryfder y chwant fod yn go debyg.