Mae'r adran hon yn disgrifio bulimia mewn ffordd sy'n ystyrlon i bobl sy'n dioddef neu sydd ddim yn dioddef ohono. Os credwch eich bod CHI efallai yn dioddef bulimia, bydd darllen y dudalen hon yn help i chi ddeall yr anhwylder yn well.
Bydd dioddefydd bulimia yn teimlo'i bod wedi colli rheolaeth yn ystod y cyfnodau gor-fwyta eithriadol, ac yn gwneud hynny bron bob amser ar ei phen ei hun, am fod cywilydd arni am ei hymddygiad.
Bydd dioddefwyr bulimia yn gaeth i gylch, gor-fwyta'n eithriadol. yna gwaredu'r bwyd drwy chwydu neu gymryd moddion. Wedyn, teimlo cywilydd a hunan-gasineb, ac addo peidio gwneud hynny eto. Yna, mynd heb fwyd eto am gyfnod, yn barod am y gor-fwyta eithriadol nesa' - ac felly bydd y cylch yn mynd ei flaen.
Fel arfer, wrth or-fwyta'n eithriadol, dewis bwydydd sy'n tewhau fydd y dioddefydd - rhai gaiff eu 'gwahardd'. Bwydydd megis bisgedi, siocled, creision tatws, grawnfwyd brecwast, tost a menyn, sglodion tatws, teisenni, hufen ia, etc. Wrth ddal i'w bwyta nes i'r awch amdanyn nhw fynd heibio, bydd y tensiwn yn gostwng, a'r person yn teimlo wedi llenwi neu rhywun yn dod ar ei thraws (er iddi teimlo poen wrth wneud). Bydd ambell waith yn mwynhau'r bwyd, ond ei fwyta'n gyflym y bydd, heb ei flasu. Wedyn daw pryder, euogrwydd ac edifeirwch.
Felly, i fwyafrif dioddefwyr bulimia, gor-fwyta yw colli rheolaeth. Teimlir hyn yn waeth gan bobl a lwyddodd gyda deiet yn y gorffennol neu a fu'n dioddef anorexia ar un adeg - pobl oedd yn teimlo'u bod yn gallu rheoli bwyd. Siom i lawer yw colli rheolaeth, ac felly byddan nhw'n chwydu wedi gor-fwyta'n eithriadol. Weithiau, byddan nhw'n chwydu am iddyn nhw glywed am hynny yn y cyfryngau. Gall leihau'r euogrwydd wedi'r gor-fwyta - gall ddelio â'r person cyfrinachol awchus y tu mewn, heb ei dangos ar y tu allan.
I ddechrau, ar ddamwain y bydd rhywun yn chwydu ar ôl gor-fwyta eithriadol, ond yn ddiweddarach, bydd yn digwydd yn amlach. Caiff rhywun fwyta nes bron byrstio - heb ennill pwysau. Yn y diwedd, bydd yr ymddygiad yn cael ei gynllunio ymlaen llaw, neu daw'n rhan o fywyd bob dydd, gydag amserau penodol ar gyfer y ddefod bwyta a chwydu.
Bydd gor-fwyta eithriadol bulimia yn rhyddhau tensiwn i ddechrau. Bydd y pwysedd ar rywun yn lleihau wrth fwyta - a daw hyn yn arferiad anodd ei dorri. Am fod chwydu wedi'r gor-fwyta eithriadol yn lleihau pryder hefyd, yn nes ymlaen, bydd dioddefydd bulimia yn teimo'r awydd i chwydu pan yn flinedig, yn ddig, neu wedi ypsetio. Bydd yn mynd yn 'gaeth' i'r gor-fwyta a chwydu. Bydd ymddygiad bulimia yn digwydd yn lle ymddygiad arferol.
Mae bulimia, a'r holl wahanol anhwylderau bwyta, yn gymhleth ac nid oes 'rheswm' penodol amdano. Fodd bynnag, gall ambell sefyllfa arwain ato. Dyma rai:
Mae'r mwyafrif benywaidd sy'n dioddef bulimia yn adlewyrchu - fel gydag anorexia - bod mwy o bwysedd ar fenywod yn ein cymdeithas ni i reoli eu pwysau. Bydd menyw a gafodd addysg dda yn tueddu rhoi gwerth ar fod yn 'denau', gall fod yn berffeithydd, a bydd yn barnu ei hunan- ymddangosiad yn fwy. Yn ambell i achos, bydd perthynas rhwng rhieni a merch yn arwain at ddiffyg mynegiant anghenion, gwadu teimladau (yn enwedig dicter) ac ansicrwydd am eu cyrff - hyn i gyd yn cael mynegiant drwy bulimia.
Mae bulimia ymhlith dynion yn fwy tebyg o gael ei gysylltu ag amheuon am rywioldeb. Bydd dynion ifanc, ansicr eu rhywioldeb, yn aml yn ceisio adlewyrchu modelau 'gwryw' o fyd chwaraeon, seiclwyr neu athletwyr.
Bydd diffyg hunan-barch gan ddioddefwyr bulimia yn aml, ofni nad y'n nhw'n ddigon da, a'r angen i gael eu canmol ganeraill. Eu barn amdanyn nhw'u hunain yw eu bod yn garedig, yn brin eu hyder ac yn amhendant.
Bydd gan rai pobl sy'n dioddef anhwylder bwyta symtomau bulimia ac anorexia. Gall hyn fod yn beryglus iawn oherwydd effeithiau dwbl y llwgu a'r gwaredu.