Felly gan ein bod wedi edrych ar brif nodweddion y tri math o anhwylder bwyta, beth allwn ni ddysgu? Beth sy'n gyffredin rhwng y tri?

Perthynas â bwyd

Yn gyntaf, gallwn weld bod anorexia, bulimia a gor-fwyta yn digwydd pan fydd perthynas rhywun â bwyd yn mynd o chwith - h.y. mae'n mynd yn beth afiach - ac yn peri niwed.

Mae'r ffurfiau gwahanol y berthynas hon a aeth o chwith yn ymddangos yn y tri anhwylder.

Bydd dioddefydd Anorexia ofn bwyta.
Bydd dioddefydd Bulimia yn gor-fwyta'n eithriadol ac yna'n ei waredu.
Bydd dioddefydd AGfE neu Gor-fwyta Gorfodol yn bwyta gormod.

Gwelson ni fod perthynas â bwyd a aeth o chwith wedi digwydd oherwydd bod rhywun yn dioddef rhyw fath o ofid emosiynol.

Pryder emosiynol

Gwelson ni hefyd bod y tri math o anhwylder ynghlwm wrth ofid emosiynol o ryw fath neu'i gilydd. Eto, gall y pryder hwn ymddangos mewn ffurfiau gwahanol.

Bydd delwedd anghywir o'i chorff gan ddioddefydd Anorexia - yn arwain at anfodlonrwydd dwys gyda'r ffordd y gwêl hi ei chorff.

Yr hyn sy'n gyrru gor-fwyta eithriadol a gwaredu y dioddefydd Bulimia yw euogrwydd, cywilydd a hunan-gasineb, hyn ynghylch diffyg rheolaeth.

Chwilio am gysur neu ryddid rhag pryder neu ofid fel arfer fydd dioddefydd AGfE neu Or-fwyta Gorfodol.

Felly, gallwn ddweud nad am fwyd y mae'r anhwylderau bwyta hyn o gwbl - ond am ofid emosiynol mewnol, a arweiniodd at berthynas â bwyd a aeth o chwith. Mae'r berthynas hon a aeth o chwith weithiau'n cael ei gyrru gan ymdrech i ennill rheolaeth (yn achos Anorexia a Bulimia) neu geisio am ryddhad rhag pryder (yn achos Bulimia ac AGfE/GG) neu geisio am gysur (yn achos AGfE/GG).

Un ffactor gyffredin rhwng y tri anhwylder yw'r ddelwedd o'r corff a'r dymuniad i fod yn 'denau'. Gwraidd mwyafrif yr achosion anhwylderau bwyta yw'r ymgais i fod ar ddeiet.

Merched a'r ddelwedd o'u corff

Cred gyffredin yw mai merched ifanc yn unig sy'n dioddef anhwylderau bwyta.

Yn ddi-os, mae menywod - yn enwedig merched ifanc - o dan bwysau cymdeithasol ynghylch eu hymddangosiad ym mwyafrif ein cymdeithasau modern. Fel y dwedwyd, ystyr 'bod yn denau' yw 'bod yn brydferth' - ac ystyr 'bod yn brydferth' yw 'bod yn dda'.

O ganlyniad, bydd merched ifanc yn aml yn defnyddio'u pwysau yn ffon-fesur eu hunan-werth a pha mor ddeniadol y maen nhw. Oherwydd methu cwrdd â delfrydau afrealistig y cyfryngau, gall merch ifanc deimlo'n dew ac yn annigonol. Yna bydd y ferch yn ceisio mynd ar ddeiet er mwyn cyrraedd y 'nod' o ran ymddangosiad. Gall ymgeisio sawl gwaith, a methu cyrraedd y ddelfryd gorfforol, arwain at broblemau emosiynol a phroblemau ymddygiad, gan gynnwys gor-fwyta eithriadol, obsesiwn am fwyd ac anhwylderau bwyta anorexia neu bulimia.

Bydd y pryder emosiynol tu cefn i'r anhwylderau bwyta yn aml yn bryder ynghylch y ddelwedd sydd gan y ferch o'i chorff hi ei hunan.

Mae adferiad rhag anhwylder bwyta yn bosibl. Byddwn yn trafod adferiad yn fanylach yn nes ymlaen - ar dudalen 7 o'r adran hon. Yn gyntaf, i'r rhai ohonoch chi sy'n teimlo bod gennych chi broblem ynghylch bwyd, ar y dudalen nesaf mae nifer o gwestiynau i'ch helpu chi i ddarganfod a oes gennych anhwylder.