Elusen wedi'i chofrestru yn y DG yw Cyswllt Contact ac wedi'i sefydlu yn 1992. Cynigiwn Wasanaeth Dydd i roi help, cyngor a chefnogaeth i bobl gyda phroblemau cyffuriau ac alcohol, ac i'w teuluoedd. Cynigiwn hefyd gefnogaeth i bobl gydag anhwylderau bwyta. Mae gan Cyswllt Contact staff ymroddedig, arbenigol ac sydd wedi eu hyfforddi.

Addysg am gamdriniaeth cyffuriau ac alcohol - ac adferiad - Aberystwyth, Cardigan. Chynllun Mentora Cyfoedion - Newtown, Llanelli, Haverfordwest.

Ry'n ni yn Aberystwyth yn sir Geredigion yng ngorllewin Cymru (y DG). Gallwch gysylltu â:

Cyswllt Contact
49 Rhodfa'r Gogledd
Aberystwyth
Ceredigion  SY23 2JN

Tel: 01970 626470  Ffacs: 01970 626644  -  neu drwy

Cwmni cofrestredig yng Nghymru a Lloegr (Rhif cofrestredig 03061079, Cyfeiriad Swyddfa Gofrestredig : 49 Rhodfa'r Gogledd, Aberystwyth, Ceredigion SY23 2JN) yw Cyswllt Contact Cyfyngedig.

Gallwch gysylltu â'n Canolfan Triniaeth yn Aberteifi yn:

12 Stryd Fawr
Aberteifi
SA43 1JJ
Tel: 01239 623831

 

 
Cyfeirio
Does dim trefn ffurfiol cyfeirio gyda ni - y cyfan sy'n rhaid i chi wneud yw ffonio, ysgrifennu, e-bostio neu alw heibio i wneud apwyntiad. Ry'n ni'n croesawu pobl gyfeirir o bobman - gan feddygon teulu, seiciatryddion, nyrsus, gwasanaethau prawf, gweithwyr cymdeithasol, grwpiau gwirfoddol hunan-gymorth, teulu neu'r person ei hunan. Wedi'r asesiad cychwynnol, ein nod yw asesu pob cleient o fewn 10 diwrnod gwaith.

 
Asesiad Cychwynnol
Cewch asesiad i weld pa raglen fydd orau i chi. Wedi'r asesiad cychwynnol, os na fydd ein gwasanaethau ni yn addas, byddwn yn eich cyfeirio at fudiad arall mwy addas i'ch anghenion.

 
Chynllun Mentora Cyfoedion
Mewn partneriaeth gyda Cynorthwyo Grwpiau i Dyfu, bydd y prosiect hwn yn cefnogi pobl ar draws y tair sir i wneud newidiadau positif i’w bywydau, i gwblhau rhaglenni triniaeth ac i gael mynediad i ddarpariaeth leol o ran gwirfoddoli, hyfforddiant a chyflogaeth.

 
Rhaglen Ymwybyddiaeth Cyffuriau ac Alcohol
Mae'r rhaglen hon yn cynnig addysg a gwybodaeth am amryw agweddau ar gamdriniaeth cyffuriau ac alcohol, gan gynnwys effeithiau alcohol a chyffuriau eraill ar y corff, natur y ddibyniaeth a'r rhyddhad a ddaw wrth ddefnyddio, a sut y gall hyn effeithio ar fywyd y defnyddiwr/ddefnyddwraig a'i d/theulu.
Mae'r rhaglen yn para dwyawr bob wythnos am chwe wythnos.

 
Rhaglen Triniaeth Dydd
Rhaglen barhaol yn seiliedig ar lwyr-ymwrthod yw'r Rhaglen Triniaeth Dydd. Ei nod yw cefnogi pobl i gynnal bywyd yn rhydd o alcohol a chyffuriau. Mae hon rhwng 10am a 3pm, dydd Llun i ddydd Gwener.

 
Rhaglen Ymyrraeth Cyffuriau
Cyswllt Ceredigion sy'n darparu'r Rhaglen Ymyrraeth Cyffuriau (DIP) i Geredigion. Rhaglen yn derbyn cyllid ledled y DG yw hon i helpu troseddwyr sy'n camdrin cyffuriau, drwy gynnig help a thriniaeth. Y nod yw eu helpu i ddianc o'u camdriniaeth a'u cylch troseddu er lles yr unigolyn a chymdeithas. Caiff pobl eu cyfeirio gan yr heddlu, y llysoedd, y gwasanaeth prawf, carchardai a chyfreithwyr. Gall cleientiaid DIP ymuno ag unrhyw raglen triniaeth a gweld gweithiwr/wraig gefnogi am help a chyngor ar faterion pob dydd.
I gael mwy o fanylion am DIP neu i gyfeirio rhywun at y rhaglen, os gwelwch yn dda.

 
Ôl-ofal
Cefnogaeth wythnosol am flwyddyn i bobl sy'n cymryd camau bregus, cynnar, adferiad.

 
Rhaglen i'r Teulu
Mae'r Rhaglen i'r Teulu yn agored i bobl dan effaith defnydd rhywun arall o alcohol neu gyffuriau. Drwy gael addysg a pherthynas â phobl eraill yn yr un sefyllfa, gall aelodau teuluoedd gychwyn gwneud newidiadau i wella'u bywydau.

 
Cwnsela
Darparwn gwnsela rhwng 1:1.

 
Galw-heibio
Gall pobl alw heibio rhwng 10.00am a 4.00pm, dydd Llun i ddydd Gwener. Mae croeso i bawb ac mae te a choffi ar gael.

 
Grwp Myfyrio
Grwp yn cwrdd yn wythnosol. Cynigiwn amrywiaeth o ddulliau myfyrio.

 
Gwasanaeth Cefnogi
Cefnogaeth fewnol i bobl gyda materion lletya, arian a dyled, budd-daliadau, iechyd, cyflogaeth a hyfforddiant. Cefnogaeth wedi ei deilwra'n arbennig i unigolion er mwyn iddyn nhw ennill annibyniaeth drwy ddatblygu sgiliau a hyder.

 
Rhaglen Addysgol Ysgolion
Nod y Rhaglen Ysgolion yw codi ymwybyddiaeth pobl ifanc am ddefnydd cyffuriau ac alcohol, gan roi gwybodaeth iddyn nhw am rai o'r effeithiau, y peryglon a'r canlyniadau. Gyda'r disgyblion, mae'r rhaglen yn edrych ar agweddau gwahanol - dylanwad cyfoedion, sut i wrthod, sut i benderfynu a sut i adeiladu hunan-barch.

 
Hyfforddi Pobl Proffesiynol
Mae Cyswllt Contact yn cynnig hyfforddiant i bobl proffesiynol sy'n gweithio gyda chleientiaid camdriniaeth sylweddau neu gleientiaid dan effaith camddefnydd rhywun arall.

• Diagnosis Deuol
• Camddefnyddio'r Eilwaith
• Gofalu'n broffesiynol - gofalu amdanon ni
• Gweithio gyda theuluoedd
• Cwnsela a materion ynghylch camdrin sylweddau

Ymysg y rhai a dderbyniodd hyfforddiant oddi wrthym mae: gweithwyr teuluol y gwasanaeth cymdeithasol, cwnselwyr/wragedd ysgol a phrifysgol, staff amrywiol fudiadau gwirfoddol.

Cewch fanylion ein cyrsiau hyfforddi drwy glicio yma: Cyrsiau Hyfforddi Ar-lein (Iaith Saesneg) (dogfen Microsoft Word yw hon; cliciwch ar y chwith i'w hagor; cliciwch ar y dde a dewiswch 'Save Target As' i'w dadlwytho). Cysylltwch â ni i gael blaen-fanylion hyfforddiant.

 

---

Y Wefan hon

Bwriad y wefan hon yw rhoi gwybodaeth ac addysg i bobl am gamdriniaeth cyffuriau ac alcohol ac anhwylderau bwyta.

Gobeithiwn y gallwch archwilio mannau eraill yn y safle, am y bwriadwn ddarparu deunydd diddorol a gwybodus ar gyfer pob math o bobl - pobl ifanc yn eu harddegau, rhieni, athrawon ysgol, meddygon, pobl sy'n camdrin sylweddau, aelodau'r teulu - i enwi dim ond ychydig. Mae camdriniaeth cyffuriau ac alcohol yn effeithio ar bawb rywsut neu'i gilydd.

Dyw'r safle ddim yn orffenedig - fydd hi byth - byddwn ni'n dal i ychwanegu deunydd newydd ati.