Problem gyffuriau - neu arbrofi?

Problem gyffuriau . . . neu beidio?

Pan fyddwn ni'n dweud problem cyffuriau neu alcohol ryn ni'n sōn am sefyllfa lle mae unigolyn wedi colli rheolaeth ar ddefnydd o ddiod neu gyffur. Golyga hyn gymryd mwy o ryw gyffur nag arfer, cymryd cyffur yn amlach, neu gymryd gwahanol fathau o gyffuriau. Cofiwch lle bynnag y defnyddiwn ni'r gair 'cyffur' yma, ry'n ni'n cynnwys alcohol.

Y math o symtomau a allai awgrymu bod gan rywun broblem cyffuriau yw os byddai rhywun:

Yn gwadu neu yn ceisio cuddio'u defnydd o alcohol neu gyffuriau.
Yn esgus eu bod yn defnyddio llai o gyffuriau neu alcohol nag y maen nhw mewn gwirionedd.
Yn gwadu bod problem ganddyn nhw am eu bod nhw'n defnyddio dim ond cwrw, cannabis neu ryw sylwedd arall sydd, mae'n ymddangos, yn sylwedd "diniwed".
Yn ymddwyn yn wahanol o dan ddylanwad y sylwedd (yn uwch eu cloch efallai neu yn fwy ymosodol nag arfer).
Yn osgoi trafod eu defnydd o gyffuriau neu alcohol - a'u hymddygiad pan font o dan ddylanwad rhain.
Yn anghofio neu'n gwadu pethau ddigwyddodd o dan ddylanwad sylweddau.
Yn cael problemau sy'n perthyn yn uniongyrchol i'w defnydd o alcohol neu gyffuriau - damweiniau, problemau ariannol, anhawsterau yn yr ysgol, anghytuno gydag athrawon, teulu a hen ffrindiau etc.
Yn bychanu amlder a nifer y problemau sydd gyda'u defnydd o gyffuriau neu alcohol.
Yn dewis ffrindiau sydd yn ddefnyddwyr sylweddau.
Efo syniad isel ohonyn nhw'u hunain ac yn defnyddio alcohol neu gyffuriau i deimlo'n well.

Os credwch bod eich plentyn yn arddangos unrhyw rai o'r symtomau camddefnydd cyffuriau hyn - yna ry'ch chi'n iawn i bryderu yn ei g/chylch - a bydd yn help os darllenwch drwy'r adran gyfan hon i rieni.

Os nad yw eich plentyn yn arddangos unrhyw rai o'r symtomau hyn, os buon nhw'n wir yn cymryd cyffuriau neu alcohol, mae'n debyg mai dim ond ambell waith y bu hynny - efallai wrth arbrofi.
Mae llawer o bobl ifanc yn gwneud hyn - a'r peth gorau gallwch chi wneud yw trafod gyda nhw ac esbonio peryglon a chanlyniadau defnydd cyffuriau neu alcohol.

Er hynny anogwn chi i ddarllen drwy'r adran hon i rieni, petae dim ond er mwyn dysgu am ffyrdd priodol o ddelio gyda phlentyn sydd ā phroblemau gydag alcohol neu gyffuriau. Pwy a wyr, efallai bydd rhiant arall yn gofyn am eich cyngor rywdro.

NÖL