DWEUD WRTH EICH RHIANT SUT Y'CH CHI'N TEIMLO

Nawr, gall siarad â'ch rhiant am eu defnydd o alcohol neu gyffuriau eich dychryn. Mae hyn yn OK. Mae'n iawn i fod ofn. Ond does dim rhaid i ofn ein stopio rhag gwneud pethau - gyn belled â'i bod yn ddiogel i ni.

Ddweda' i hyn eto achos mae'n bwysig iawn.

Siaradwch â'ch rhiant - os ych chi'n teimlo bod hynny'n ddiogel.

 

I rai pobl ifanc, chi'n gweld, bydd siarad â rhiant am eu defnydd o alcohol neu gyffuriau ddim yn teimlo'n ddiogel - rhai ag ofn cweryl efallai, neu drais. Efallai fydda'n nhw ddim yn dod ymlaen gyda'r rhiant - neu efallai bod y rhiant yn anfodlon gwrando ar eu pryderon. Dylai person ifanc mewn sefyllfa fel hyn siarad â rhywun arall yn lle hynny. Athro, ffrind, perthynas . . . pwy bynnag maen nhw'n teimlo'n ddiogel wrth siarad â nhw.

 
Nawr i'r bobl ifanc sy'n teimlo'n ddiogel i siarad â'u rhiant, mae'n bwysig deall pan fyddwn ni'n sôn am sut y'n ni'n teimlo am eu camddefnydd - i ni beidio'u beio. Does dim rhaid i ni ddweud "Wnaethoch chi hyn!" . . . "Wnaethoch chi'r llall!" - achos nid dyna y'n ni'n geisio'i wneud. Beth bynnag - fyddai'r rhiant ddim yn debyg o wrando - neu byddai'r sgwrs yn mynd yn gweryl. Does neb am gael dadl anferth arall?

Na we're not blaming here. Ry'n ni jyst yn dweud sut y'n ni'n teimlo.

Felly - dewiswch adeg pan na fydd eich rhiant wedi bod yn yfed na chymryd cyffuriau - ac yna dwedwch yr hoffech chi siarad â nhw. Bod ganddoch chi rywbeth pwysig iawn i'w ddweud.
Yna, efallai y dwedwch chi wrth Mam neu Dad . . .

Pan fyddwch chi'n 'y ngadael i'n unig yn y ty - rwy'n teimlo'ch bod chi ddim yn hidio amdana' i.
Pan fo chi'n cwrdd â fi o'r ysgol wedi bod yn yfed - rwy'n teimlo cywilydd.
Pan fo chi'n dod â'ch ffrindiau adre i gymryd cyffuriau - rwy'n teimlo ofn.
Pan fo chi'n cysgu yn ystod y dydd - rwy'n teimlo mor drist.
Pan fo chi'n torri'ch addewidion i fi - rwy'n brifo - yn marw tu fewn.

Dwedwch wrth Mam neu Dad sut mae hi arnoch chi

Dwedwch wrthyn nhw sut y'ch chi'n temlo pan fo'n nhw'n feddw neu dan ddylanwad.

Byddwch yn onest. Dwedwch y gwir. Dwedwch eich bod yn brifo. Rhaid iddyn nhw wybod pa effaith y mae'r yfed neu'r cyffuriau yn ei gael arnoch CHI!

Efallai'ch bod yn caru eich rhiant - ond yn casau yr yfed neu'r defnydd o gyffuriau.
Mae hynny'n OK Mae'n iawn i chi deimlo fel hynny.

Wedi i chi ddweud wrth eich rhiant sut y'ch chi'n teimlo - efallai byddwch chi am bwysleisio y dylai pethau ddim bod fel hyn. Gallwch ei gwneud yn glir - er eich bod yn caru eich rhiant, y byddech chi'n hoffi iddyn nhw gael help i ddelio â'u camddefnydd.

Beth y'n ni'n geisio wneud yw helpu'ch rhiant i ddeall bod eu hymddygiad ddim yn dderbyniol - ac onibai eu bod yn ceisio am help - bydd raid i chi weithredu i amddiffyn eich hunan.
Darllenwch y darn nesaf i weld sut i wneud hyn . . .